Degat e FRPD-së kanë qenë dhe vazhdojnë të jenë një strukturë e mirorganizuar jo vetëm politikisht, por dhe në solidaritet të plotë me mbështetje në situata të ndryshme, duke ofruar kapacitetet e tyre të pakursyera në nevoja imediate ndaj banorëve, sic është rasti i tërmetit të 26 nëntorit.
Kjo strukturë politike, së fundi po dëshmon dhe një oponencë të fortë ndaj keqqeverisjes, të cilën përmes denoncimeve të shumta që të rinjtë e kësaj organizate po bëjnë cdo ditë, po nxjerrin në pah degradimin në cdo aspekt të Edi Ramës dhe shpurës së tij qeverisëse.
Nënkryetari i Degës së FRPD, Krujë, Ilir Farruku, një zë aktiv në politikbërjen e të rinjëv, krahas denoncimeve të shumta që përcjell në profilin e tij facebook, mbi keqqeverisjen lokale, keqmenaxhimin e fondeve publike që bëhen nga hallkat e pushtetit vendor, së fundi, ka publikuar një reagim, përmes së cilit demaskon qëndrimin e fundit dhe keqorientimin e kryeministrit të vendit me politikat e tij, duke hapur mjaft plagë për kombin shqiptar.
Projekti i shumëdebatueshëm i “Mini-shengenit Ballkanik”, ka prodhuar një valë të madhe zemërimi ndër shqiptarë anëkënd botës, pasi janë lënduar zemrat dhe shpirtrat e mijëra e mijëra vëllezërve kosovarë që me moton e mbrojtjes së identitetit të tyre shqiptar, luftuan dhe u përballën trimërisht me makinerinë luftarake dhe gjakater të Milloshevicit, duke bërë krenar për kauzën e tyre cdo shqiptar.
Farruku, në postimin e tij, e ka cilësuar Ramën, si tradhëtarin më të madh në historinë e Shqipërisë, dhe koha do e provojë këtë gjë, shprehet nënkryetari i FRPD, Krujë, duke sjellë ne kujtese pamje qe evokojne momentët rrënqethëse të luftës dhe pasojave të saj që shqiptarët e Kosovës patën gjatë përballjes së tyre me ushtrinë dhe politikën serbe.
Duke kujtuar këto momente, nënkryetari Farruku, ka shpërthyer në një mallkim ndaj Ramës dhe ideatorëve të këtij projekti, të cilëvë u kujton lotët e nënave që kanë humbur bijtë dhe cdo lot i tyre rëntë në kokën tuaj.
Përmes postimit, Ilir Farruku, ky i ri idealist, nënvizon faktin se tashmë është kuptuar nga të gjithë se Rama përfaqëson modelin më të shëmtuar të një kryeministri dhe tashmë koha është për ta shporrur pamëdyshje nga drejtimi i vendit.
