Pas barazimit në “El Clasico” që nuk ndihmoi renditjen dhe nuk ekzaltoi lojën e Barcelonës, klubi “blaugrana” ka nisur punën për të blinduar Lionel Messin. Zyrtarisht nuk ka ndonjë problem, por letrat nuk mund të lenë të qetë drejtuesit katalonjas. “Pleshti” është ende i lidhur me kontratën që rinovoi në vitin 2017.
Deri në janar është në fuqi klauzola 700 milion euro për prishje të njëanëshme të kontratës, ndërsa më pas hyn në fuqi klauzola që i lejon sulmuesit argjentinas të largohet me parametra zero në fund të sezonit. Që kjo të mos ndodhë, Barcelona duhet t’i ofrojë Messi një rinovim të paktën 2-vjeçar. Lajmi bëhet i ditur nga e përditëshmja “El Mundo Deportivo” gjithmonë e mirë informuar për ngjarjet në klubin katalunjas. Duke qëndruar në atë që raporton kjo gazetë, presidenti Bartomeu ka kontaktuar personalisht Jorge Messi, babain dhe menaxherin e sulmuesit.
“El Mundo” jep edhe detajet financiare që pritet të vendosë Barcelona në tavolinën e bisedimeve. Klubi “blaugrana” nuk ka ndërmend të prekë përfimet e sulmuesit, kjo për shkak se vitin tjetër ai do të jetë 33 vjeç. Si rrjedhojë Messi do t’i ofrohet e njëjta pabë, pra 25 milion euro neto në vit. Gjithçka është në dorë të “Pleshtit”, as sipas gazetës katalunjase nuk ka asnjë dyshim për të ardhmen dhe rinovimi kontratës është thjesht një formalitet./BW
