Kryeministri Edi Rama ka zhvilluar një tjetër mbledhje me qeverinë mëngjesin e sotëm. Rama diskutoi për buxhetin e planifikuar për banesat të cilat janë të dëmtuara apo ato që janë tërësisht të pabanueshme.
Kryeministri u ndal sërish tek ftesa për bashkim me kryetarin e Partisë Demokratike, Lulzim Bashën. Ai tha u ndje i zhgënyer që Basha nuk pranoi ftesën që i bëri ditën e djeshme.
“Më ka zhgënjyer fakti që lideri i opozitës nuk është bashkuar. Nuk e kuptoj qasjen refuzuese të opozitës për të mos u ulur në tavolinë. Dua t’i bëj thirrje edhe një herë për bashkimin konkret.
Mos t’i humbin kohë më shqiptarëve. Ky nuk është një bashkim për ne, por është për vendin për njerëzit. Prandaj unë po i bëj thirrje edhe një herë tjetër që të mos humbim më kohë. Unë e kam mbështetur fjalën e liderit të opozitës, por tani nuk duhet vetëm fjalë, por edhe vepra”, tha Rama.
