Në qarkun e Durrësit, procesi mësimor është pezulluar deri më 9 dhjetor, ndërkohë që në qarkun e Tiranës dhe Lezhës, mësimi do të pezullohet deri më 5 dhjetor.
Ministrja e Arsimit, Besa Shahini tha se arsimtarët do të jenë në punë gjithsesi për të përgatitur ambientet për nxënësit.
“Në Qarkun Tiranë dhe Lezhë mësimi do jetë i pezulluar deri më datë 5 dhjetor por ruajmë mundësinë ta shtymë edhe për disa ditë të tjera në rast se nuk sigurohemi që të gjitha shkollat në gjendje të sigurt. Në të gjitha qarqet e tjera mësimi fillon normalisht. Mësuesit i presim në punë i presim nga nesër në punë”, theksoi ajo.
