Në ditën e dedikuar për pazaret para Krishtlindjeve, ka disa kurthe për të shmangur. Kujdes për zbritjet e ekzagjeruara të çmimeve dhe vëmendje tek komentet
E premtja e zezë dhe e hëna Cyber janë tek dera. 23 dhe 26 Nëntori do të jenë dy ditë të blerjeve të egra për shumë njerëz, veçanërisht në internet. Por, pikërisht për shkak të popullaritetit të tij në rritje, kjo ngjarje gjithashtu tërheq shumë konsumatorë të pamësuar për të blerë në internet. Për këtë qëllim shoqatat italiane të konsumatorëve: Adiconsum Centro Europeo Consumatori Italia, kanë nxjerrë një numër me këshilla në mënyrë që të shmangen blerjet e shkujdesura dhe humbja e parave kot. (Këshilla që janë të vlefshme, në fakt, për gjithë konsumatorët që bëjnë blerje në internet, pavarësisht së nga cili vend.)
Këshilla më elementare, por që duhet të kihet parasysh është: të jeni të kujdesshëm për çmimet shumë të ulëta. Shumë shpesh smartphones e gjeneratës së fundit ofrohen në shifra qesharake (madje edhe 200-300 euro). Në këto raste rreziku i mashtrimit është shumë i lartë: në rastin më të mirë mund të jetë një telefon i përdorur dhe i rikondicionuar. Në rastin më të keq, një telefon që kurrë nuk do të arrijë në shtëpinë tuaj.
Rreziqet më të mëdha mund të ndodhin zakonisht jo nga platformat e mëdha si Amazon, eBay ose Zalando për veshje. Kush blen në faqet e kompanive individuale, ndoshta pak të njohura, duhet të verifikojë nëse këto kanë shkruar detajet e kontaktit të tyre në faqen e internetit: si adresa gjeografike dhe kontaktet telefonike dhe e-mail. Është një detyrim ligjor. Kujdes për domenin e faqes, sepse kjo nuk është një garanci absolute se dyqani e ka selinë e saj në Itali, apo diku tjetër, mund të dërgojë edhe nga ana tjetër e botës, përveç faktit se shitësit Extra BE, shpjegon shoqata Adiconsum: “nuk mund të zbatojnë legjislacionin evropian për të mbrojtur konsumatorin “.
Ekziston një mënyrë për të kuptuar nëse siti ku po kërkojmë të blejmë online respekton disa parametra cilësorë për privatësinë, dërgesat e shpejta, kthimet dhe rimbursimet e thjeshta: shenjën e besimit ose certifikatën e cilësisë. Këto janë “shpërblime” që jepen nga organet e palëve të treta (NetComm dhe Trusted Shops janë ndër më të mëdhatë) bazuar në parametrat e treguar qartë. Megjithatë, nëse ka dyshime, është e mundur të kontrolloni me organin që e ka lëshuar çertifikatën nëse ajo është autentike ose e falsifikuar.
Por edhe ata që zgjedhin të blejnë në platformat më të njohura tregtare, duhet t’i mbajnë sytë hapur. Mekanizmi I komenteve – si I artikujve, ashtu dhe I vetë shitësve – në këto raste mund të jetë ndihmë e madhe për të zbuluar nëse shitësi është serioz, ose nëse mallrat janë cilësore, me kusht që ju lexoni ato me kujdes, veçanërisht në qoftë se ju jeni duke bërë një blerje të shtrenjtë . Komentet e rreme kuptohen nga fakti se komentuesi nuk e ka blerë atë artikull. Është një fakt që në Amazon, ju mund të kontrolloni nën emrin e komentuesit. Secili koment shoqërohet me një votë që shprehet me yje, nga 0 në 5. Shumë kufizohen duke parë vetëm numrin e yjeve, pa lexuar përmbajtjen e kritikave, por kjo mund të jetë mashtruese.
Pasi të merret vendimi, është koha për të paguar. Siç kujton Centro Europeo Consumatori (CEC), prioritet duhet t’i jepet kartave te kreditit që ofrojnë shërbim chargeback, që është kthimi i çmimit të paguar në rast të mos-dorëzimit, dhe PayPal, sistemi dixhital i cila kursen nevojën për të futur të dhënat e kartës së kreditit dhe ofron mbrojtje në rast mashtrimi. “Një kusht thelbësor për mekanizma të tilla të rimbursimit dhe në çdo rast është ai i të qenit në gjendje për të dokumentuar çdo hap të blerjes dhe pagesës (të dobishme në këtë drejtim janë screenshots e hapave të ndryshme të blerjes)” shpjegon CEC.
Përpara përfundimit të blerjes, megjithatë, është mirë të shikoni në shiritin e adresave. Para ose në fund të “url” duhet të ketë një imazh të stilizuar të një DRYNI. Është sinjali që kjo lidhje është e mbrojtur dhe të dhënat që futim mbrohen nga një protokoll i sigurisë.
Mos harroni gjithashtu se e drejta për të kthyer mallrat e blera në internet është shumë më e garantuar se blerjet në dyqanet fizike: ju mund të ktheni një artikull pa pasur nevojë të jepni arsye, ose pa pasur nevojë të provoni ndonjë defekt.
