Për legalistët shqiptarë forcimi i shtetit vjen përmes respektimit të ligjit dhe forcimit të institucioneve kushtetuese, të cilat së fundi janë dobësuar, për të mos thënë janë asgjësuar nga përpjekjet e kryeministrit Edi Rama, i cili synon kontrollin e tyre, duke minuar në tërësinë e saj reformën në drejtësi aq shumë të dëshiruar prej shqiptarëve.
Në deklaratën e shpërndarë nga zyra e shtypit pranë Partisë Levizja e Legalitetit, theksohet roli i ShBA-ve, si vend mik dhe partneri kryesor strategjik i Shqipërisë, në rrugën e saj drejt demokracisë dhe instalimit të rendit kushtetues.
Partia Lëvizja e Legalitetit, prej kohësh e ka intensifikuar veprimtarinë e saj, duke kërkuar me forcë rrugët e zgjidhjes së kësaj krize politike që ka mbërthyer vendin, dhe si të vetmen premisë të zgjidhjes, legalistët e shohin tek mekanizmi i votës së lirë, që do të garantonte vullnetin e qytetarëve shqiptarë për të shprehur preferencën e tyre qeverisëse dhe administruese dhe që do i jepre njëherë e mirë fund tranzicionit të tejzgjatur shqiptar.
“Zgjedhjet e parakoshme, qendrore dhe lokale janë opsioni që tashmë s’diskutohet në të mirë të daljes sa më shpejt nga kriza politike“, përfundon deklaratën për shtyp PLL-ja.
Deklatatë për shtyp.
Forcimi i shtetit, vjen nēpërmjet respektimit të ligjit.
SHBA, si gjithmonë mbështet Shqipërinë dhe shqiptarët.
Partia Lëvizja e Legalitetit, vlerëson në maksimum, deklaratën e DASH në këtë situatë që po kalon vendi ynë.
Vetë thelbi i deklaratës, flet për atë që shqiptarët kanë më shumë nevojë sot “.. .respektimi i ligjit është mbi të gjitha… “
Për PLL, përfundimi i reformave të ndryshme, duke respektuar gjithmone ligjshmërinë institucionale, êshtë rrugë pa kthim, kjo do të bëj të mundur që demokracia të funksionoj si duhet në një shtet i cili, për fatin e mirë të tij, ka mbështetjen e SHBA.
Ajo që sot kërkojnë të gjithë shqiptarët, ku dhe është i fokusuar aksioni opozitarë, eshtë forcimi i shtet ligjor nëpërmjet votës së lirë.
Zyra e shtypit e PLL.
