Kryetari studentëve, Kristian Kina, përmes një letre të hapur drejtuar rektorit të Universitetit të Tiranës, i ka kërkuar publikisht hapjen e procesit të zgjedhjeve për këshillat studentore, gjë që është penguar prej shumë kohësh, duke mos dhënë asnjë shpjegim nga ana e rektoratit.
Përmes kësaj letre, kreu i studentëve ka theksuar nevojën e celjes së këtij procesi, pasi e tillë paraqitet problematika e organizmit të tyre, cka ka vënë në vështirësi dhe në një ngërc qeverisjen studentore.
Në letrën e bërë publike, Kina, ka kërkuar që të merret parasysh kjo gjë dhe Senati i Akademik në mbledhjen e radhës që do të mbahet me datë 20 nëntor të vendosë për celjen zyrtarisht të procesit të zgjedhjeve për këshillat studentore në Universitetin e Tiranës.
Ja letra e plote e z. Kina, drejtuar rektorit Mynyr Koni:
I nderuar z.Rektor!
Ne emer te studenteve senatore te Senatit Akademik, UT, kerkoj t’Ju percjell nje kerkese, sa te nevojshme po aq dhe urgjente per situaten ku gjendemi.
Vitin e kaluar kemi qene te gjithe deshmitare te Protestes Kombetare Studentore dhe mendoj se eshte e detyrueshme qe te gjitha palet, pas nje viti tashme, te bejne nje analize te detajuar te arsyeve qe çuan ne ate revolte masive, dhe gjithashtu shkallen e permbushjes se atyre kerkesave nga secila pale pergjegjese.
Perpos shume kerkesave tona, nje nder to ishte dhe rritja e vendimmarrjes dhe perfaqesimit se studenteve ne cdo instance dhe organ qe ua percakton Ligji i Arsimit te Larte 80/2015, ku nje nder to jane dhe Keshillat e Studenteve.
Pas perfundimit te Protestes Studentore, ne UT u ngrit nje Komision i Posacem per Hartimin e Rregullores se Zgjedhjeve per Keshillat Studentore. Rregullorja u miratua ne Senatin Akademik dhe me ne fund per studentet e UT u dha nje drite jeshile, nje shprese se gjerat do te ndryshonin dhe zeri i tyre do te ndihej edhe me shume.
Mungesen e gatishmerise per te vendosur daten e re te zgjedhjeve per Keshillat Studentore, ne, si studente senatore, e denoncuam dhe ne mbledhjen e kaluar te Senatit Akademik, dt 24.10.2019, dhe nuk morem asnje pergjigje konkrete.
Per kete arsye, vendosem t’Ju drejtoheshim tani me kete leter publike, duke paraqitur edhe njehere, seriozitetin dhe nevojen urgjente te kesaj kerkese.
Studentet e Universitetit te Tiranes, si studentet e universitetit me te madh ne vend, duhet te organizohen sa me pare ne Keshilla Studentore, per nje veteqeverisje te tyre sa me demokratike, transparente dhe qe me ne fund, te drejtat dhe nevojat e tyre te jene me te perfaqesuara dhe orientuara ne drejtimin e duhur.
Thene sa me siper, kerkojme nga Ju qe ne mbledhjen e Senatit Akademik, dt 20.11.2019, te percaktoni zyrtarisht nje date per Zgjedhjet e Keshillave Studentore, ne Universitetin e Tiranes. Me respekt, Kryetari i Studenteve ne Senatin Akademik, UT Kristian Kina
