Vjosa Osmani tha se ka raporte të ngushta për shkak të kaluarës saj me zyrtarë të lartë në Amerikë dhe shprehu sigurinë se Shtetet e Bashkuara të Amerikës, jo vetëm nuk e kanë hedhur idenë e ndarjes së Kosovës, por as nuk e kanë mbështetur.
Nga ana tjetër, Osmani tregoi në “Opinion” edhe autorët që e kanë krijuar këtë ide, e kanë mbështetur por edhe që e kanë dërguar në tryezën e politikës amerikane.
“Kjo ju garantoj sepse unë kam raporte shumë të ngushta me zyrtarë amerikanë, kjo nuk ka qenë një ide e mbështetur apo e SHBA-ve, por e Serbisë dhe e mbështetur nga njerëz të papërgjegjshëm në Kosovë që është dërguar më pas si projekt në zyrat e shtetit amerikan”.
Ndërkohë, Presidentin Hashim Thaçi e konsidferon se një politikan që ngjitet përmes dredhive, teksa tha se marrëdhëniet me njerëz të tillë nuk mund ti ketë ndryshe veçse shkresore.
“Unë do të bashkëpunoja me njerëz që mbrojnë interesin e Kosovës dhe qytetarëve, ndërsa Thaçi së fundmi ka treguar gjeste dfhe veprime tinzare dhe jo të sinqerta, unë nuk bashkëpunoj në këtë rast me njerëz të tillë. Unë për momentin komunikimin me Thaçin e shikoj si aktualisht në stadin e shkrimit të letrave, e shoh vetëm me anë të marrëdhënieve shkresore”, tha Osmani.
