Banorët e Astirit nuk stepen nga kërkesa e tyre për të mbrojtur deri në fund banesat, të cilat rrezikohen të shemben nga projekti i ‘’Unazës së Re’’.
Edhe sot pasdite, ata janë grumbulluar në kryqëimin e ‘’Unazës së Re’’ (zona e Astirit) ku këmbëngulin për të mos lejuar ndërtimin e mbikalimit.
Nuk ka munguar as ish-deputeti i PD-së Klevid Balliu, pjesëmarrës i vazhdueshëm në protestat për ndalimin e ndërtimit të mbikalimit. Balliu premtoi se kur PD-ja të marrë drejtimin e vendit, personat përgjegjës për këtë projekt abuziv do të dalin përpara drejtësisë.
Para dy ditësh, u caktua fituesi i ndërtimit të Lotit 1 të ‘’Unazës së Re’’. Firmat ‘’Salillari’’ dhe ‘’Bajrami N’’ fituan tenderin për të nisur punimet e kësaj faze të projektit.
‘’PD-ja e ka thënë. Nuk dotë harrojmë asnjë shkelje për banorët e Unazës së Re, jo vetëm për ta, por edhe për ata të lumit, edhe për fermerët. Do të dalin para drejtësisë të gjitha personat përgjegjës. Diktatura rrëzohet me të gjithë ne bashkë.
Na duhet ndihma juaj që këta palaço t’i çojmë në burg, jo në institucione’’, foli para banorëve Balliu.
