Për herë të parë në historinë e dy vendeve, kryeministri i Shqipërisë Edi Rama do të ngrejë padi në drejtim të ish-kryeministrit të Kosovës Ramush Haradinaj.
Shkak për padinë e Ramës është bërë një deklaratë e Haradinajt, e hedhur pak ditë më parë në media, se ai ka ndaluar skenarin e ndarjes së Kosovës nga treshja Thaçi-Vuçiç-Rama.
Sipas Haradinajt, 3 udhëheqësit planifikonin të grabisnin 10 miliardë € fitime nga miniera e Trepçës nëpërmjet ndarjes territoriale të Kosovës, por ky plan, sipas tij u prish.
Por kjo deklaratë duket se ka nxehur tejmase Ramën, çka ka bërë që ai të shprehet publikisht në opinion se do të nisë një padi ndaj Haradinajt.
“Për 10 miliardshin po përgatis, jo unë, unë kam një zyrë të posaçme të anti-shpifjes. Në gjykatat e Kosovës zotëria do të duhet të vijë të provojë akuzën për 10 miliardë që do ndaheshin në tavolinë midis meje, Hashim Thaçit dhe Presidentit të Serbisë.
Por një gjë ditë të them unë, këtyre lloj politikanëve bravo u qoftë që gjejnë dhe bëjnë i them unë… Dmth që ti thuash një populli që ishin 10 miliardë në sofër dhe do të ndaheshin midis këtyre të treve që ranë dakord të ndanin Kosovën dhe të marrësh akoma vota… Ata që votojnë për këtë lloj politike ato qofshin dhe bravo u qoftë!”, u shpreh Rama.
Pra ju po thoni që kryeministri i Shqipërisë do të hapi gjyq kundër kryeministrit të Kosovës?
“Është ish-kryeministri i Kosovës ky dhe dorëheqjen, me demek dhe është akoma atje është një person për të cilin jam detyruar për herë të parë dhe hera e fundit që ta dalë publikisht, sepse gënjeu në mënyrën më të paskrupullt…”, vijoi sulmin verbal kryeministri shqiptar.
