Tirana është përmbytur mbrëmjen e sotme nga reshjet e shumta të shiut. Probleme të mëdha ka pasur edhe në zona të tjera të vendit.
Shërbimi i motit, Meteoalb, parashikon që reshjet e shiut të intensifikohen pas mesnate dhe të vazhdojnë të paktën deri të martën në mesditë.
Ja parashikimi i motit nga Meteoalb:Rrebeshe shiu dhe stuhi-afatshkurtra ere do të përfshijnë vendin në orët e mesditës së të hënës dhe deri mëngjesin e së martes.
Kjo situatë e motit mbetet prezente deri në mesditën e neserme (e martë) kur pritet dobësim i ndjeshëm i intensitetit të shirave.
Era do të jetë e fortë me shpejtësi mbi 65 km/h duke sjellë probleme në brigjet detare.
