Jorida Tabaku dhe Oerd Bylykbashi, ish-deputetë të PD-së, akuzuan qeverinë se kanë shkelur të drejtat e qytetarëve.
Tabaku tha se veçanërisht shkeljet kanë të bëjnë me të drejtën e pronës.
“Ligji antikushtetues i kthimit të pronave që nuk e jeh pronarin, ligji për investitorët strategjik, ligji i Kadastrës, ligji me të drejtën që ka pasur Këshilli Bashkiak për të marrë vendime për pronat me 2/3 e votave që është hequr ditët e fundit. Shpalosëm gjithçka që po ndodh me pronën private.
Denoncuam mekanizmin djallëzor që ka futur Edi Rama me të drejtën e pronarëve për të marrë pronëne tyre. Rama ka vënë një mekanizëm që rishproson pronarët.
Përmes këtyre mekanizmave, Rama e merr këtë pronë dhe ua jep oligarkëve.
Fikja dhe eleminimi i Gjykatës Kushtetuese për të vënë në vend të drejtat e pronarëve është i qëllimshëm në kuadër të këtij mekanizmi. PD kthehet në pushtet dhe këto ligje do të zhbëhen dhe ne do të kthejmë të drejtat e tyre”, tha Tabaku.
Tabaku renditi nismat ligjore të ndërmarra nga mazhoranca, qoftë në nivel qendror ashtu edhe atë vendor, që shkelin të drejtat e pronarëve legjitimë.
“Shpalosëm gjithçka që ka ndodhur në pronën private, por edhe atë publike”, tha Tabaku, referuar takimit të zhvilluar me delegacionin e Komisionit të Venecias.
Çështja e pronave është kriter për negociatat, thanë ish-deputetët e PD-së, sipas të cilëve qeveria ka ngritur një mekanizëm që rishpronëson pronat e qytetarëve shqiptarëve.
“I bëmë të qartë se bllokimi i Gjykatës Kushtetuese dhe sistemit të drejtësisë, është i qëllimshëm, duke iu bllokuar pronarëve të ankohen në gjykatë.
Ligjet që shkelin të drejtat e pronarëve do të zhbëhen dhe do të miratohen ligje që respektojnë të drejtën e pronës”, tha Bylykbashi.
