Drita Lamaj, një aktiviste e njohur dhe drejtuese e devotshme e strukturave të PD të Tiranës, përmes një reagimi në rrjetet sociale, i ka konsideruar “fundërrina që u pasuruan në kurriz të PD”, të gjithë ata, që cjerrazëshëm bërtasin ‘Basha ik”, ndërkohë dihet botërisht që me pislojën e tyre, janë vënë në shërbim të narkoshtetit dhe të interesave të bandës qeveritare.
Lamaj, si një qëndrestare e pakompromistë, nuk ka hezituar të reagojë herë pas here ndaj “lukunisë së hienave”, që si të maskuar fshihen në të kaluarën e tyre si ish-eksponentë të PD dhe mezipresin të shfaqen si shërbëtorë të Ramës, sa herë që PD-ja dhe lideri Basha shkërmoqin fijet e lidhjeve të krimit me pushtetin, duke përshpejtuar në një proces të pandalshëm ardhjen e saj në pushtet si alternativë e shpresës dhe integrimit të vendit.
Në statusin e saj, Lamaj nënvizon se Lideri Basha, përtej tentativës për “thikë pas shpine” të disa ish-eksponentëve të PD, të cilët ndër vite u pasuruan nga pushteti i saj, prapëseprëpë vazhdon të qëndrojë i fortë dhe së shpejti fitimtar si askush tjetër, përballë krimit, mafias dhe oligarkisë që ka mbërthyer vendin.
Ja reagimi i plotë:
“Basha ik”, thonë vetëm ata fundërrinat që përfituan dhe janë bërë miliardierë nga Partia Demokratike.Ju kundërshtarët e kryetarit Basha, po të kishit harxhuar kaq shumë energji Opozitare kundër narkoshtetit e bandës së tij, Partia Demokratike sot do të ishte në pushtet.T’i je i fortë edhe pse shumë presin të gjunjezohesh!
