Kjo mund të quhet pa frikë epoka e pushtimit të njeriut nga teknologjia, tabletat, telefonat dhe pajisjet e tjera inteligjente. Nje epokë që duket se po ndryshon të ardhmen e njeriut dhe po e transformon atë.
Prindërit në SHBA, të alarmuar nga problemet e shumta që citojnë studimet rreth kohës së shpenzuar me tableta, po përpiqen të kthehen mbrapsht në kohën kur nuk ekzistonin telefonat e zgjuar. Por nuk është e lehtë të mbahet mend sesi ishin saktësisht gjërat përpara epokës “smart”. Ndaj ata, tani po punësojnë profesionistë, shkruan New York Times, sipas dritare.net.
Një profesion i ri, i cili po rritet çdo ditë e më shumë falë kërkesave. Konsulentët vijnë në shtëpi, shkolla, kisha dhe sinagoga për t’u kujtuar prindërve sesi rriteshin fëmijët më parë.
Rhonda Moskowitz është një trajnere prindërimi në Columbus të Ohajos. Ajo ka një diplomë master për Aftësitë e të Mësuarit dhe Sjelljes dhe mbi 30 vjet përvojë në shkolla dhe në praktikë private.LEXO DHE : Regjisori i përgjigjet ambasadorit Soreca: Nuk është e politizuar situata
“Unë përpiqem të takoj me të vërtetë prindërit aty ku janë, dhe tani është shpesh shumë e thjeshtë” thotë ajo.
Në komunitetin e prindërve të pasur, frika nga telefonat është e papërmbajtur dhe është lehtësisht e kuptueshme përse. Vështrimi i egër i fëmijëve të tyre kur ata përpiqen të shohin në telefonat e tyre është alarmues. Shumica e prindërve mendojnë që gjat darkës nuk duhet të shpenzohet kohë në Instagram.
Askush nuk e di sesi do ta ndryshojnë shoqërinë telefonat inteligjentë, do ta bëjnë atë më të mirë apo më të keqe.
