Kandidati për bashkinë e Lezhës Eduart Ndocaj, përmes një video, ka denocuar një nga rastet e shumta të abuzmit të OSHEE-së Lezhë me abonentë, ku njërit prej tyre i është ndërprerë energjia pa asnjë shkak, pasi sic tregon ai përmes pamjeve, abonenti i ka të paguara të gjitha faturat mujore.
Në videon e publikuar, Ndocaj ironizon këtë situatë, duke “thumbuar” përgjigjen e punonjësve të OSHEE-së, të cilët gjithnjë dhe për gjithcka justifikohen duke thënë se “është problem i sistemit”.
Qytetari i dëmtuar nga këto veprime të papërgjegjshme dhe arbitrare të punonjësve të OSHEE-së, nënvizon faktin se edhe pse ai ka bërë një ankim duke e cmuar të drejtë ankesën e tij, prapëseprapë nga ana e institucionit në fjalë nuk është ndërhyrë për t’i rikthyer energjinë elektrike dhe ai vazhdon të mos furnizohet me energji.
Eduart Ndocaj ka akuzuar adminstratën vendore të Lezhës si të paaftë dhe të papërgjegjshme për t’iu ofruar shërbimin e duhur qytetarëve lezhianë, si dhe ka akuzuar në mënyrë të drejtpërdrejtë rivalin e tij socialist, për këtë gjendje të administratës, pasi sic nënvizon “kaubojsi’, prapa emërimeve të drejtuesve të institucioneve vendore të Lezhës qëndron Pjerin Ndreu, i cili prej dy vitesh është deputet i Kuvendit të Shqipërisë, si përfaqësues i Lezhës.
Ndocaj nuk harroi të përsëritë ftesën e tij drejtuar zgjedhësve lezhianë, që me datë 30 qershor të votojnë nr.2 në fletën e votimit, si numrin fatsjellës për këtë bashki, si dhe u garantoi bashkëqytetarëve të tij, se ai nuk do i zhgënjejë në menaxhimin e problematikve të tyre, pasi është i përgjegjshëm për rolin dhe rëndësinë që ka të qenurit administrator i njërës prej bashkive më të rëndësishme në vend.
Për më shumë ndiqni vdeon e mëposhtme:
