Edhe pak ditë ndajnë nga 30 qershori dhe Lezha, duket sikur do të jetë kryefjala e këtyre zgjedhjeve, pasi gara deri më tani ka prodhuar një përplasje të fortë në mesin e dy kandidatëve, të cilët për nga mënyra se si i janë drejtuar zgjedhësve përfaqësojnë dy mentalitete krejtësisht të kundërta. Nga njëra anë është Pjerin Ndreu, i cili e synon bashkinë Lezhë me petkun e ish-deputetit të kësaj bashkie si dhe të përfaqësuesit të partisë qeverisëse, ndërsa nga ana tjetër kandidon Eduart Ndocaj, i njohur për lidhjet dhe influencën e madhe që ai ka në këtë zonë.
Deri më tani, fushata e këtyre kandidatëve është shoqëruar me retorikë të ashpër ndaj njëri-tjetrit, si dhe me përplasje të forta dhe akuza të ndërsjella, duke krijuar shpeshherë dhe situata tensioni dhe konfliktualiteti në mesin e mbështetstëve.
Ndryshe nga rivali i tij, Ndocaj ka zgjedhur fushatën derë më derë, duke bashkëbiseduar me cdo familje dhe zgjedhës lezhian, si dhe duke shtruar aspekte programore në funksion të përmirësimit të gjendjes social-ekonomike të Lezhës dhe të njësive administrative, për të cilat kandidati Ndocaj ka një vizion të qartë dhe një alternativë të mbështetur në nevoja konkrete.
Sot, përmes një video-mesazhi, kandidati Ndocaj iu është drejtuar me një mesazh të qartë,qytetar dhe politik të gjithë demokratëve të bashkisë Lezhë, duke u kërkuar votën, pasi, ai, do të përfaqësojë vullnetin e tyre politik dhe interesin e gjerë qytetar të demokratëve dhe të të gjithë lezhianëve, dhe se Lezha nuk meriton të bëjë eksperimente me kandidatë që vijnë dhe vërdallosen duke bërë karagjozin e qeverisë dhe duke i trajtuar qytetarët në”ca të nënës dhe ca të njerkës”, por ky qytet i vlerave të bashkëjetesës politike, krahinore dhe fetare, meriton të administrohet nga njerëz të thjeshtë, punëtor dhe mirëmenaxhues, cilësi këto që më bëjnë mua të përgjegjshëm për të kërkuar votën e cdonjërit prej jush.
Me sinqeritetin që e karakterizon, Ndocaj ka lëshuar dhe deklaratën bombastike të radhës, duke u garantuar demokratëve lezhianë, se nëse do ishim në një garë dhe me kandidatin e PD, unë do të tërhiqesha vetëm e vetëm që të mos i jepja mundësinë Pjerin Ndreut të fitonte në këtë bashki.
gjatë video-mesazhit të tij, Ndocaj ka apeluar fuqishëm zgjedhësit lezhianë të ndalen për një moment dhe të reflektojnë përballë përgjegjësisë që ka vota e tyre, pasi historia nuk do ua falte nëse do të mandatohej si kryebashkiak i Lezhës Pjerin Ndreu, pasi sipas tij, ai përfaqëson modelin dhe frymën më negative në historinë e zgjedhjeve për bashkinë e Lezhës.
Ndiqeni të plotë këtë video-mesazh të kandidatit Eduart Ndocaj:
