Nëse mendoni se përdorimi i pushtetit për të manipuluar zgjedhjet në Shqipëri ishte i vetmi mjet që Rilindja përdor mund të konsideroheni të gabuar. Një tjetër fenomen, që pa frikë mund të cilësohet si skandal në këtë fushatë monopartiake të atyre që mazhoranca i quan si zgjedhjet e 30 qershorit, kanë nxjerrë ne pah një tjetër anë vërtetë të rrezikshme të keqpërdorimit kësaj here deri të objekteve të kultit.
Çuditërisht në dy raste të dokumentuara jane kishat ortodokse ato që janë shndërruar në arena fushate apo vende ku kandidatët e Rilindjes i përdorin si dekor për intervistat që jepen në ERTV.Një foto e publikuar një ditë më paë tregon sesi kandidati dhe kryetari i bashkisë së Tepelenës Tërmet Peçi ka përdorur ambjentet e një kishe ortodoske për të zhvilluar fushatë elektorale…
Por skandali nuk ka përfunduar me kaq, në ciklin e intervistave me kandidatët që po zhvillon redaksia e televizonit personal të kryeminsitrit Edi Rama, kandidatja e Roskovevit Majlinda Bufi, e cila pa nuk dihet se me leje të kujt autoriteti të kishës ortodokse ka vendosur të përdorë Kishën e Kurjanit si zyrë personale për të dhënë intervistë…
Dhe si për të konfirmuar se kryetarja e Bashkisë së Roskovecit nuk ka pyetur askënd për të përdorur një objekt të shenjtë dhe antik si Kisha e Kurjanit për qëllime personale elektorale, mjafton të lexosh këtë reagim të Kishës Orthodokse të Shën Theodhorit në Vlorë.
Por jo vetëm kishat ortodokse. Edhe xhamia e re e Namazgjasë në Tiranë deri tani është inaguaruar akoma pa u hapur zyrtarisht nga Rilindja. Së pari përmes përdorimit të minareve të saj nga snajperat e policisë gjatë protestave të opozitës dhe pasi kësaj përdhosje në nisje të fushatës elektorale, Erion Veliaj vuri këmbë në xhami gjoja i shqetësuar për mbarëvajtjen e punës në atë që do të jetë shtëpia e kultit më e madhja në vend për besimtarët muslimanë. /Syri.net
Kronika e Syri TV:
