Një vëmendje të vecantë në programin e tij elektoral, Eduart Ndocaj i ka kushtuar artit dhe kulturës lezhiane, për të cilën ai akuzoi strukturat menaxhuese të tyre, të cilat e kanë neglizhuar dhe e kanë trajtuar rëndomtazi këtë aspekt të rëndësishëm të identitetit shpirtëror dhe historik të kësaj treve.
Në mbrëmjne e sotme, Ndocaj ka adresuar një mesazh kuptimplotë për të gjithë komunitetin e artistëve lezhianë, dhe për artdashësit e shumtë, duke premtuar një realitet të ri të jetës artistike dhe kulturore të këtij qyteti, ku prioritet janë rehabilitimi i kinemasë së qytetit dhe investimi në pallatin e kulturës së qytetit, duke synuar rivitalizimin e jetës artistike, si premisën e duhur për më shumë zbavitje dhe argëtim të qytetarëve.
Ndocaj, nuk ka hezituar të shigjetojë akuza ndaj drejtuesve ndër vite të kësaj bashkie, të cilët asnjëherë nuk e vlerësuan sa duhet komunitetin e artistëve dhe të krijuesve lezhianë, ndonëse këta të fundit të shumtë në numër, kanë nderuar qytetin dhe emrin e Lezhës, duke afirmuar vlerat më të mira krijuese dhe potenciale artistike të jashtëzakonshme.
Gjatë video-mesazhit të realizuar në galerinë e arteve, ku Ndocaj realizon ekspozita të shumta dhe e mban të hapur vazhdimisht për dashamirësit e pikturave të tij, ai ka dhënë premtime konkrete për rigjallërimin e jetës artistike të qytetit, si dhe ka shpalosur pjesë të rëndësishme të programit të tij për këtë fushë, duke vecuar:
ndërtimin e një muzeu bashkëkohor, ku të pasqyqrohen vlerat historike;
rikonstruksion total të pallatit të kulturës së qytetit, si dhe nxitjen e trupave artistike duke promovuar zhanret e ndryshme, ashtu sic e ka patur traditë ky pallat;
ndërtimin e shtëpisë-muze për “Homerin e Shqipërisë”, At Gjergj Fishtën;
ndërtimin e një galerie artesh bashkëkohore, pasi ky qytet ka afirmuar emra të mëdhenj në pikturë, skulpturë e tj;
“Nata gala”,për të gjithë krijuesit lezhianë, një event special të përvitshëm, ku krijuesit e fushave të ndryshme do të stimulohen fiananciarisht dhe me cmime të posacme;
Së bashkua ja dalim!
Votoni nr.2 Eduart Ndocaj
Ndiqeni të plotë video-mesazhin:
