Mijëra qytetarë çamë i janë bashkuar këtij aktivitetit duke kujtuar kështu 75 vjetorin e genocidit grek mbi shqiptarët e Çamërisë.
Në hapje të aktivitetit është recituar “Trëndafili i Çamërisë” duke rënqethur mishin e mijëra atdhetarëve. 27 plagë në shpirtrat Çam për 27 qershorin e genocidit grek.
Pjesë e këtij aktiviteti janë bërë edhe Kreu i PDIU-së, Shpëtim Idrizi, sekretarja e Përgjithshme e kësaj partie, Mesila Doda, deputeti i vetevendosjes Liburn Aliu, kreu i Shoqatës Çamëria në kosovë dhe shumë qytetarë nga të gjitha trevat e Shqipërisë.
Gjatë fjalës së tij deputeti i Vetëvendosjes Liburn Aliu u shpreh që një ditë me forcën tonë me organizimin tonë një ditë ato trojet e bukura të banohen prap me shqiptarë.
“Nuk jemi aq të dobët siç kemi qenë më parë. Çdo ditë më tepër po organizohemi. Shqiptarët po punojnë çdo ditë e më shumë së bashku, por këtë ne duhet ta bëjmë dhe në vazhdim. Shumë nga ne këtu nuk mbajnë mend çfarë ka ndodhur para 75 viteve. Por ne këtu mbajmë mënd kujtimet e nënave dhe baballarëve tonë. Ne akoma e ndjejmë në shpirt dhimbjen. Kjo fatkeqësi e madhe mund të rregullohet duke u plotësuar kërkesat shqiptarëve të Çamërisë. Një ditë i gjithë ky vend do të popullohet vetëm nga shqiptarë çam, edhe përtej këtyre maleve”, tha deputeti i Vetëvendosjes Liburn Aliu.
© SYRI.net
