Kryetari i Partisë Demokratike, Lulzim Basha, i tha kryeministrit Edi Rama se me veprimet e tij u ka shpallur luftë dhe se do të përgjigjet me çdo çmim. Kreu i demokratëve shtoi se ata kanë për detyrë që të mbrojnë vendin dhe qytetarët dhe se do t’i përgjigjet me çdo mjet.
“Edi Rama na ka shpallur luftë. Duhet të mbrojmë vendin dhe qytetarët, si edhe Kushtetutën. Jemi në të drejtën tonë t’i përgjigjemi me çdo çmim dhe me çdo mjet. Ai ta ketë të qartë se nuk ka zgjedhje pa opozitën. Është krim, veçanërisht në kushtet e dekretit të presidentit.
Jemi në punë të pandërprerë. Takime me qytetarët për t’u shpjeguar njerëzve se Rama po bën grusht shtetit. Është rrezik kombëtar, duhet ndalur menjëherë.”, tha Basha.
Ai theksoi se vendi rrezikon rikthimin e vizave, izolimin, regjim represiv përmes arrestimeve.
Më herët, kryeministri nga Patosi tha: “Zgjedhjet do të bëhen. Çfarë arsyeje kam unë të bredh gjithë Shqipërinë për të bërë këtë fushatë, dhe të dalin kaq shumë njerëz në mes të vapës kudo që shkoj unë, kur në qeveri kemi gjithë ato punë për të bërë, mbështetjen nga parlamenti i shumicës sonë e kemi të plotë, 75 % të nivelit qendrorë e kemi ne, atëherë ku është problemi për t’i shtyrë zgjedhjet?”.
