Të gjithë mediat botërore i kushtuan rëndësi pasyrimit të protestave kombëtare të zhvilluara nga opozita në datën 11 maj dhe 13 maj në Tiranë.
Kjo pasi këto tubime u shoqëruan me përplasje mes policisë dhe demostruesve, hedhje të mjeteve të ndaluara si bomba Molotov si dhe dhunimi ndaj Sahit Dollapit.
Prestigjozja autriake ARD i ka dedikuar një reportazh të veçantë të gjitha zhvillimeve të ndodhura në këto protesta me foto dhe video dhe duke pasqyruar të gjithë ndodhitë.
Reportazhi
Zhurma është me të vërtetë shurdhuese. Me sy të mbyllur mund të imagjinosh një skenar lufte. Por mbyllja e syve në këtë situatë do të ishte çmenduri. Kjo për shkak të tymueseve, të cilat hidhen nga turma çdo sekondë dhe shpërthimeve të herëpashershme, më pas përplasjet mes demonstruesve dhe policisë.
Rreziku real është zjarri: kokteje Molotov, të cilat janë hedhur të shumta kundër fasadës së Këshillit të Ministrave. Ndërmjet kësaj godine dhe njerëzve qëndrojnë policët në një rresht duke u përpjekur t’i mbajnë demonstruesit larg saj. Në të njëjtën kohë, protestuesit, të cilët herë pas here arrijnë të thyejnë zinxhirin e policisë, parqiten triumfues përpara derës së Këshillit të Ministrave disa sekonda më vonë.
Papritmas njëri prej tyre është në flakë me një fat të jashtëzakonshëm. Menjëherë, dy bashkëluftëtarë të tjerë i heqin rrobat e tij të djegura. Dy sekonda më vonë ai qëndron atje, gjysmë i zhveshur dhe natyrisht i paralizuar – sepse, si i tmerruar ai shikon si pako më të zjarrta fluturojnë pas tij, derisa policia arrin ta rrëmbejë atë dhe ta largojë nga zona e rrezikut.
Politika e brendshme shqiptare po zien me muaj: që nga shkurti i vitit 2019, opozita ka bojkotuar parlamentin. Iniciativa vjen nga partia më e madhe opozitare, demokratët dhe udhëheqësi i saj Lulzim Basha. Me këtë hap, opozita dëshiron të ushtrojë presion, duke akuzuar Partinë Socialiste të Kryeministrit Edi Rama për mashtrim dhe korrupsion zgjedhor, duke kërkuar dorëheqjen e tij dhe duke bërë thirrje për zgjedhje të parakohshme. Një ngërç, për shkak se kryeministri Edi Rama kategorikisht përjashton të dyja dorëheqjet dhe zgjedhjet e reja. Kjo krizë e brendshme po shoqërohet nga demonstrata masive kundër qeverisë.
Vetëm një maskë mbrojtëse
Të impresionuar se se sa profesionistë janë oficerët e policisë janë në këtë situatë jashtëzakonisht kërcënuese. Me sa duket qetë qetë, ata shikojnë si shishet me benzinë apo koktejet moloyov fluturojnë mbi kokat e tyre. Ata nuk mbajnë asnjë pajisje speciale mbrojtëse, shkopinj apo madje armë. Përveç uniformës së përditshme, ata kanë vetëm një maskë mbrojtëse kundër gazit lotsjellës. Më vonë, ashtu si në pjesët e tjera të qendrës së qytetit, demonstrata kërcënon të dalë jashtë kontrollit. Numri i të lënduarve në të dy kampet mbetet i mahnitshëm, pasi ky tubim mund të kishte përfunduar në katastrofë.
Kjo për shkak se përdorimi i gazit lotsjellës në të gjitha rastet nga ana e policisë u njoftua nga altoparlanti. Kush i injoroi thirrjet, pa u mbrojtur me mjetet e duhura të syve dhe frymëmarrjes me siguri është penduar. Nuk e di se çfarë po spërkatnin. Por ishte kaq agresive saqë kontakti i menjëhershëm mbi konjuktivën e syve në pak sekonda mund të bllokonte shikimin.
Kameramani ynë Daniel i pajisur me mbrojtje të frymëmarrjes dhe syze mbrojtëse nga ajri, po raporton këtë mbrëmje. Gjithmonë në ballë, dhe në fakt vazhdimisht mbështjellë me gaz lotsjellës, ai jep pamje dhe skena spektakolare që do të arrijnë në pjesën tjetër të botës nëpërmjet Eurovizionit në të njëjtën mbrëmje.
Një pjesë e dytë
Daniel shpjegon se ai i ngriti syzet e tij të sigurisë vetëm ëpr pak për tu ventiluar, pasi ajo ishte e mbyllur tërësisht brenda dhe ai nuk mund të shihte më. Pas kësaj, ai arriti të tërhiqej në një rrugë tjetër. Disa demonstrues të cilët tashmë ishin aty, u kujdesën për Danielin, i cili u shemb në tokë i tmerruar, dhe menjëherë thirri për ndihmë mjekësore. Një tjetër kalimtar madje filmoi këtë skenë me celularin e tij.
