Nëse jeni si shumica e njerëzve, me siguri dëshironi të jetoni një jetë të gjatë dhe kuptimplote. Nëse ky është qëllimi juaj, atëherë duhet të siguroheni që bashkëshortja juaj të jetë e lumtur. Të paktën kështu thotë studimi më i ri i “Psychological Science”.
Olga Stavrova, një studiuese në Universitetin e Tilburgut në Holandë, ka përpunuar të dhëna nga gati 4,400 çifte amerikanë mbi moshën 50 vjeç në një sondazh përfaqësues kombëtar. Gjatë një periudhe tetëvjeçare, pjesëmarrësit dhe bashkëshortët e tyre ofruan përditësime mbi çështjet që besohet të ndikojnë në vdekshmëri, të tilla si mbështetja nga partneri i tyre, dhe kënaqësia e jetës.
Informata të tjera u përfshinë gjithashtu që në fillim të studimit, si gjinia, përkatësia etnike dhe të ardhurat e familjes.
Rezultatet treguan se në fund të tetë viteve, rreth 16% e pjesëmarrësve vdiqën. Pjesa më e madhe e njerëzve që kishin vdekur prireshin të ishin burra të moshuar që ishin më pak aktiv fizikisht dhe më pak të arsimuar. Ata gjithashtu ishin në shëndet të dobët dhe kishin më pak para kur krahasoheshin me pjesëmarrësit e tjerë.
Dhe ajo që është super interesante: Bashkëshortet e atyre që kishin ndërruar jetë, kishin më shumë gjasa të ndërronin jetën gjatë tetë viteve, kur krahasoheshin me çifte të tjerë.
Në analizën përfundimtare, studimi gjeti se çiftet me një jetë me kënaqësi më të lartë , që paraqiteshin të tillë që në fillim të studimit jetonin më gjatë. Për të qenë më specifik, njerëzit që kishin bashkëshorte të lumtura ishin më pak të rrezikuar për vdekje.
