Koken hengshin dhe koka që duhet ngrene…
Para disa ditesh degjuam në media kryeministrin duke u prononcuar rreth situates së rendit publik dhe konkretisht vrasjet e fundit në qytetin e Shkodres. Gjate intervistes kryeministri tha: koken hengshin ata të krimit.
E thene nga një qytetar i thjeshte kjo nuk do bente ndonje jehone të madhe, sepse ne shpesh e kemi degjuar ta perserisin sidomos me të vjetrit, kur për të shprehur paknaqesite ndaj nje grupi të caktuar shoqeror, perdorin shpesh kete mallkim, por e thene kjo nga nje kryeminister i nje vendi që në teori është vend demokratik, atehere duhet të perbeje lajm apo të pakten nje indinjate shoqerore.
Të njejten gjë në nje emision televiziv pak dite me vone degjojme zv. ministrin te artikuloje te njejten shprehje: “koken hengshin”. Ne rast se do kishim nje Gjykate Kushtetuese efektive ose nje demokraci funksionale, nje thenie e tille do kishte “ngrene koken” e kryeministrit per disa arsye:
* nje kryeminister eshte kryeministri i te gjithe shtetasve te nje shteti, qofte kriminel, qofte doktor, qofte nje qytetar me ngjyre apo qofte i bardhe. Si i tille, kryeministri eshte pergjegjes per qeverisjen dhe mirqenien e sigurine e te gjithe qytetareve te ketij vendi.
* qe nga viti 1998 kur ne Kushtetuten e Republikes se Shqiperise u sanksionua e drejta e jetes, e drejte kjo qe garantohet nga konventat e të drejtave të njeriut qe Shqiperia i ka ratifikuar, jeta e cdo qytetari është e garantuar, dhe askush nuk mundet të të marre jeten. Si nje e drejte e tille, qeveria e nje vendi e ka per detyre të siguroje paprekshmerine e jetes të cdo qytetari, dhe nuk është dicka fakultative që i lihet ne dore kryeministrit nese do te marre masa per sigurine ose jo.
* thirrje te tilla nga nje kryeminister, zhvlereson gjithe organet ligjzbatuese, polici, prokurori, gjykata, duke qene se ben thirrje per vetgjyqesi si ne perendimin e eger apo si ne kohen e mafiozeve italian ne SHBA.
Nese do kishim nje Gjykate Kushtetuese funksionale, do kishte një vendim të saj që konstaton se kryeministri ka shkelur kushtetuten duke qene se ben thirrje antikushtetuese kunder jetes, ndersa nese do kishim nje demokraci të konsoliduar ku të ekzistonte kultura demokratike, në rastin me të mire kryeministri do kishte dhene dorheqjen dhe në rastin me të keq do kishte kerkuar ndjese për fjalet e pamenduara. Por jo, asgje nuk ndodhi, madje, në vend që të bente “mea culpa”, kryeministri nxjerr nje tellall të tijin, ne pozicionin e zv ministrit që perforcon deklaratat e kryeministrit gjate një emisioni televiziv.
Kete une personalisht nuk e shoh thjeshte si nje lapsus të kryeministrit dhe të zv ministrit te tij, por e shoh si nje regres, madje si dicka që ne Shqiperi nuk ka ndodhur as ne mesjete, sepse edhe atehere ishte Kanuni që bente rregullimet se kush do vritej dhe kush jo. Sot shohim që kryeministri ka marre persiper të beje rolin e Mbretit Luigji XIV, ku të jete ai qe vendos se kush do jetoje, kush do shkollohet, kush do punsohet, etj. Kryeministri jone, nga paaftesia apo arroganca, ka shkuar shume larg ne perceptimin e tij rreth menyres se qeverisjes se nje vendi. Ka shkuar shume larg sa dhe me skeptikut ndaj opozites, i ka hequr cdo dyshim se opozita ne deklaratat e saj paska patur te drejte.
Kryeministri shpesh i akuzuar si i lidhur me bandat dhe me kriminelet, cdo dite po fakton jo vetem nga skandalet qe po dalin cdo dite, por dhe nga gjuha prej “te forti” qe perdor. Ai po tenton qe jo vetem të veproje si nje bandit, por dhe veprimet prej banditi ti beje norme në Shqiperi. Jo zoti kryeminister, une nuk jam dakort që në Shqiperi të hahen koka, madje nuk jam dakort që të hahet as koka jote, por vetem në menyre figurative une them që hengsh koken tende, dhe të largohesh nga pushteti.
Me 13 Prill
E duam Shqiperine si gjithë Europa
