Kandidati i Aleancës Demokristiane për kreun e bashkisë Lezhë Eduart Ndocaj, përmes një video-komunikimi, ka reaguar ashpër ndaj farsës së takimeve që përfaqësuesit e Partisë Socialiste, dhe më konkretisht kandidatët e kësaj force po zhvillojnë me banorët e zonave të ndryshme, duke premtuar zhvillime dhe mirëqënie ekonomike për qytetarët shqiptarë, por ndërkohë harrojnë se kanë 6 vite që qeverisin vendin dhe tashmë këto takime janë thjeshtë një tur fasadë takimesh, pasi këta përfaqësues nuk mund të mashtrojnë pafundësisht shqiptarët.
Ndocaj, më konkretisht, reagimin e tij e ka adresuar ndaj kandidatit Pjerin Ndreu, i cili me petkun e një mashtruesi të stërvitur vjen për të gënjyer lezhianët, duke premtuar alternativë zhvillimore, por ky mashtrues serial ka harruar se është përfaqësues i lezhianëve në Kuvendin e Shqipërisë prej dy vitesh dhe asgjë nuk ka bërë për komunitetin ndaj të cilit sot u kërkon votën për kryebashkiak.
Ndocaj, ka bërë me dije se lezhianët janë një komunitet që nuk tolerojnë dhe nuk mund të pranojnë të gënjehen nga mashtrues serial, siç është kandidati “xhaketëkuq” i partisë mavi, sepse ai tashmë është i njohur botërisht për “dënglat” dhe dërdëllisjet pa sens, por që gjithnjë shquhet për nuhatjen e tij prej grabitqari. Ai, e do Lezhën, pikërisht sepse e sheh si hambar, e sheh si thesar dhe kërkon ta zhvatë atë duke rrëmbyer pasurinë e këtij komuniteti civilizues dhe dashamirës, ndaj të cilit natyra i ka rezervuar resurse dhe potenciale të shumta.
Ndiqeni të plotë video-komunikimin e Ndocajt:
