Ish-deputeti Eduart Ndocaj, përmes një reagimi të fuqishëm në rrjetet sociale, ka apeluar bashkëkombasit e tij për bojkotimin e samitit të 3-të që do të mbahet këto ditë, duke denoncuar farsën që përdoret nga organizatorët e tij, si dhe mungesën e seriozitetit nga qeveria shqiptare në trajtimin e shumë çështjeve që kanë të bëjnë me emigrantët shqiptarë.
Ndocaj, përmes këtij apelimi vë në dukje rolin tallës të qeverisë shqiptare, si dhe keqpërdorimin e këtij të ashtuquajturi samit, pasi asnjë nga problematikat reale të emigracionit shqiptar nuk janë fokusuar asnjëherë në axxhendën e trajtimit dhe të orientimit të zgjidhjeve, por gjithnjë janë shoqëruar me retorika dhe propagandë sterile.
Në përforcim të argumentiti të tij, ish-deputeti ka përmendur disa iniciativa të tijat në kohën kur ai ishte pjesë e legjislativit shqiptar, por asnjëherë nuk ka marrë mbështetjen e duhur, duke dëshmuar se qeveria shqiptare, e përdor çështjen e emigrantëve si kozmetikë politike, por që në përmbajtje janë thjeshtë farsa dhe mashtrime.
Ja reagimi i plotë:
I bёj thirrje diasporёs tё bojkotojё kёtё samit tё njё kёlyshi komunist si Edi Rama. Njё qё ka mashtruar diasporёn nё 3 palё zgjedhje mbi votёn e emigrantёve.
Tё dashur emigrantё bashkёpatriotё mos bini pre e kёtij delenxhiu qё po tallet me Shqipёrinё dhe shqiptarёt, qё mashtroi dhe u tall nё samitin e parё duke na premtuar mundёsinё e votimit nga vendi ku jetojmё. Unё si bashkёemigrant kam propozuar ligjin dhe e kam depozituar nё kuvend kur isha deputet qё nё 2016. Madje e kam dorёzuar edhe nё parlamentin Europian ku u votua nga 280 deputetё qё vota e emigrantёve tё ishte kusht pёr integrimin nё Europё . Do ishte madheshtore sikur ta perbuzni ftesen e ketij ministri palaço qё s’e flet njё fjalё pёr votёn tonё, pёr tё ardhmen tonё, pёr tё drejtat tona si emigrantё. Rama ka gjetur mundёsinё pёr tё shperblyer Pandeli Majkon me 600milion lekё nga taksat e shqiptarёve dhe kjo ёshtё thjesht vjedhja e rradhёs.
Bojkotoje edhe ti!
