Lezha që tani duket se do të jetë një bashki me një rivalitet të jashtëzakonshëm, ku gara ka marrë ngjyrat e një konkurimi të fortë mes tre kandidatëve, ose më saktë mes tre aspirantëve. Këtë bindje e krijon rivaliteti që ofron emri i kandidatit të Aleancës Demokristiane Eduart Ndocaj, i cili i është imponuar kësaj gare si një sfidant që do të mundë dy krahët e pushtetit.
Përmes një video, “kaubojsi” ka risjellë në vëmendjen e bashkëqytetarëve të tij, show-n e mashtrimeve të mëdha të fushatës së vitit 2013, ku protagonist i pamjeve të publikuara është Pjerin Ndreu, deputet i qarkut të Lezhës dhe njëkohësisht emri i lançuar nga kryeministri Rama si kandidat për kreun e bashkisë Lezhë.
Ndocaj, gjithnjë ka qenë koherent me qëndrimin e tij, duke e konsideruar kandidatin socialist të padenjë për të përfaqësuar Lezhën dhe qytetarinë e saj.
