Një grup shkencëtarësh kanë bërë një zbulim të rëndësishëm në një zonë të humbur të Antarktidës.
Në një liqen, i cili ishte i mbuluar i gjithi nga akulli, ata kanë gjetur krijesa që shumë pak janë parë nga njeriu.
Duket si një skenar filmi, por në fakt është e vërtetë. Mësohet se në liqenin Mercer, i cili fillimisht u zbulua në vitin 2007 janë parë me anë të një sonde krijesa të rralla.
Revista prestigjioze Nature ka shkruar se shkencëtarët mendonin se do të gjenin vetëm disa mikrobe, por u habitën kur nga kampionët e analizuara pas shpimit të liqenit, gjetën mbetjet e disa krijesave shumë herë më të zhvilluara.Janë gjetur disa lloje gaforresh, karkalecash dhe një krijesë e quajtur tardigrad, i cili duket si një krijesë “aliene”.
Mbete ende një sekret fakti se si këto krijesa të kenë mbijetuar në një zonë aq të ftohtë.
Gjithashtu mësohet se shkencëtarët, po bëhen gati për një mision të dytë.
