Këngëtarja Soni Malaj u diskutua si një prej pretendenteve për çmimin e parë në “Festivalin e Këngës”. Artistes duket se i ka mbetur peng fakti që nuk u shpall fituese në festival. Çmimi i parë do t’i jepte asaj të drejtën për të përfaqësuar Shqipërinë në Eurovision. Soni i përgjigjet një komentueseje, duke i treguar se kishte marrë oferta nga disa vende për t’i pëfaqësuar në Eurovision.
Më tej këngëtarja ka shkruar se është treguar tepër idealiste me dëshirën për të përfaqësuar Shqipërinë, por në fakt duhet të jetë më realiste. Ndihet një lloj keqardhje në këto fjalë të këngëtares për faktin që nuk iu dha mundësia të garonte për Shqipërinë në skenën më të njohur europiane të muzikës.
”Juela zemër, faleminderit shumë për mesazhin. Keqardhja e vetme shkon për bashkepunetoret e mi, të cilët insistuan fort, që unë të pranoja ofertat e vendeve të tjera shumë të rëndësishme, për t’i përfaqësuar në Eurosong, të cilët kërkonin një artiste që di të përballojë shumë mirë skenën në këndim dhe performancë skenike. Unë nuk i pranova, se kam një të keqe, jam idealiste për vendin tim por mendoj që duhet të jem më shumë realiste”, shkruan Soni.
