Kreu i PBDKSH, Eduart Ndocaj, i njohur për reagimet e tij të mënjehershme në lidhje me cështje të ndryshme sociale dhe ekonomike, ka reaguar sërishmi sot, duke u solidarizuar me banorët e “Unazës së Re”, të cilët po përballen me arrogancën dhe papërgjegjshmërinë e qeverisë shqiptare, e cila në mënyrë arbitrare po synon shembjen e ndërtesave të tyre, duke mos bërë dëmshpërblimin e tyre.
Ndocaj, përmes publikimit të sotëm, ka bërë një paralelizëm faktesh, ku për ironi të fatit, banori që u nxor përdhunshëm sot nga banesa i përket fisit Nela, ndaj të cilit reminishencat e së kaluarës janë të hidhuara, pasi pikërisht me firmën e të atit të kryeministrit, është dënuar me varje poeti Havzi Nela, një i afërm i banorit ndaj të cilit vërshoi prepotenca qeveritare sot duke i shembur banesën.
Ndiqeni reagimin e plotë të z. Ndocaj, i cili vjen në një kontekst dramatik sipas opinonit të “kaubojsit”, pasi jemi në kushtet e një mentaliteti që s’ndryshon aspak nga i ati Kristaqi e deri tek i biri Edi:
Djalli me të birin ( Kristaq Rama Edi Rama ) nis shembjet nga familja Nela.
30 vjet pasi me firmën e Kristaq Ramës u var poeti Havzi Nela, biri i tij, sot kryeministër, Edi Rama, e nisi procesin e shembjeve pikërisht me familjen Nela.
Simbolika e të birit të Kristaqit është mëse e qartë. Dje me varje e sot me shembje. Asgjë nuk ndryshon nga Kristaqi te djali i Bllokut komunist, Edi.
Bëhet fjalë për banesën që po shembet në zonën e Laprakës, e cila i përket familjes Nela, por që Edi Rama ka vendosur që ta shembë.
