Ka qenë mjaft i ashpër reagimi i ish-deputetit Eduart Ndocaj ndaj dhunës së ushtruar në komisariatin e policisë mbi të riun Daniel Dobraj, i cili u shfaq ditën e djeshme para togave të zeza me gishtërinj të thyer. Ndocaj, krahas reagimit të ashpër, të cilin e quajti shenjë hakmarrjeje të një kryeministri primitiv, ka apeluar dhe ministrin aktual të brendshëm, duke i kërkuar vënien para drejtësisë të atyre efektivëve që kanë guxuar të vënë dorë mbi të riun protestues.
Në publikimin e tij, “kaubojsi” kërkon lirimin e mënjëhershëm të këtij të riu, duke arsyetuar se Danieli është në të drejtën e tij për të protestuar, pasi banda qeverisëse kërkon ti shembë shtëpinë duke e katandisur në mëshirë të fatit.
Ndiqeni të plotë reagimin e ish-deputetit Ndocaj:
POLICËT GISHT-THYES .
Policë me uniforma shtetërore, në shenjë hakmarrëse i thyejnë gishtërinjtë Danielit, të riut protestues mirditor. Kjo torturë tipike gestaposh komuniste, vjen me urdhër të Edvin Kristaq Ramës.
Turp për ato policë të pashpirtë, që paguhen nga taksat e prindërve, si rasti i Danielit dhe i shumë protestuesve në të drejtën e tyre.
Zoti ministër Sandër Lleshi, ashtu si ju, edhe Danieli ka zbritur nga Mirdita në Tiranë për një jetesë të denjë. Ju ftoj z. Minister, të gjeni policët barbarë e ti dërgoni para drejtesisë. Ju bëj thirrje forcave policore të mos zbatojnë dhe të mos u binden urdhërave diktatoriale kundër vëllezërve tuaj protestues! Parisi e Franca po digjet për rritje çmimesh, por policia kryen vetëm detyrat sipas të drejtave të njeriut. Lironi Danielin e ri se edhe ai para Zotit e Ligjit është i barabartë me policen e dëmtuar në protestë!
