Fëmijët konsiderohen si e ardhmja e një vendi dhe vetëm arsimimi i tyre mund të garantojë zhvillim të një vendi.
Mirëpo në vendin tonë gjendja është alarmante pasi janë rreth 7000 fëmijë në të gjithë vendin të cilët nuk shkojnë në shkollë.
Kjo ndodh për arsye të ndryshme por më kryesorja është gjendja ekonomike që i detyron fëmijët të braktisin shkollën dhe të punojnë.
Problem shumë serioz ngelet edhe mosfrekuentimi i shkollave për shkak të mungesës së investimeve.
Një pjesë e madhe e fëmijëve janë të detyruar të braktisin shkollat kryesisht në zonat rurale për shkak se shkollat janë shumë të vjetra ose janë shumë larg zonave të tyre të banimit.
Ky fakt është bërë i ditur në Komisionin e Medias dhe Mjeteve për Informimin Publik, nga Presidenti i Sindikatave të Pavarura të Arsimtarëve, Nevrus Kaptelli.
Kaptelli tha se buxheti i ulët, mungesa e investimit publike në arsimin dhe shpenzimet e pamjaftueshme të qeverisë, për arsimin cilësor dhe gjithëpërfshirës, vijojnë ende të lënë pa arsimuar një pjesë jo të vogël të fëmijëve.
Ai shtoi:
Nga statistikat që disponojmë, më të shumtët në numër rezultojnë fëmijët e komunitetit rom dhe egjiptianë.”
