Në dinamikën e ngjarjeve politike të ditës, krerët e partive politike në vend gjejnë forma dhe mënyra të ndryshme për të prodhuar “lajmin”. Ndër më aktivët, jo vetëm si opozitar, por vecanërisht ndaj qeverisjes së Edi Ramës, të cilën gjithnjë e konsideron oligarkike dhe të kapur nga krimi, është padyshim, kreu i PBDKSH, Eduart Ndocaj, i cili sot, përmes talentit të spikatur të tij si piktor, ka sjellë për ndjekësit e shumtë që ka në rrjetet sociale, një papagall, të cilin e ka “pagëzuar” me emrin Edi Rama.
Këtë ironi, dhe sarkazëm pikante, Ndocaj e ka ka shoqëruar dhe me një koment, duke bërë shpjegimin dhe përshkrimin e pikturës së tij dedikuese.
Ndocaj, shton se pagëzimi i papagallit të tij me emrin Edi Rama, vjen ngaqë dhe kryeministri i vendit ka vese prej papagalli, i cili përmes ERTV, përsërit në mënyrë të përditshme mashtrime dhe gënjeshtra të pafundme. Këto mashtrime dhe gënjeshtra në mënyrë të përditshme, e kanë shndërruar kryeministrin e vendit në një papagall.
Ja postimi i plotë:
Të dashur miq të mi!
Po sjell sot përmes pikturës sime, kryeministrin e vendit tim, i cili me daljet e tij të përditshme në ERTV, është shndërruar në papagall, që mashtron dhe gënjen në mënyrë të pacipë qytetarët shqiptarë.
