Ish presidenti peruan Alberto Fujimori dhe tre ministra të tij të shëndetësisë janë akuzuar për sterilizim të dhunshëm të 2.116 njerëzve, ka publikuar shoqata për të drejtat e grave.
Fujimori, i cili po e vuan dënimin 25 vjeçar me burg për shkak të shkeljeve të drejtave të njeriut, është akuzuar për ngjarjet në mes të viteve 1996 dhe 2000 në katër vjetët e fundit të mandatit të tij.
Në këtë periudhë janë sterilizuar 272.028 gra dhe 22.004 burra, shumica pjesëtarë të komunitetit të varfër Keçua në Ande, në kuadër të programit të qeverisë për planifikim të familjes dhe shëndetit reproduktiv.
Me hetimet, të cilat mbetën për 14 vjet në errësirë, u konstatua se në 2.166 raste sterilizimi është kryer pa pajtimin e të dëmtuarve apo me mungesë të informatave përkatëse.
Me Fujimorin janë akuzuar edhe ish ministrat e shëndetësisë, Marino Costa, Eduardo Jong dhe Alehandro Aguinaga, mjeku personal i Fujimorit./Insajderi.com.
