Po sikur Hëna që ne shohim çdo natë të mos jetë e vetmja që qarkullon në orbitën e planetit tonë? Astronomët dhe fizikantët hungarezë, pas më shumë se gjysmë shekulli polemikash, kanë treguar se kanë konfirmuar ekzistencën e dy “Hënave orbitale t Tokës, të cilat janë krijuar tërësisht nga pluhuri.
Siç përshkruajnë në njoftimin e Shoqërisë Mbretërore Astronomike, ekipi arriti të kapë fotografitë e reve misterioz që fshihen vetëm 250,000 milje larg, afërsisht e njëjta distancë si Hëna.
Hulumtuesit kanë zbuluar më parë prezencën e shumë bashkudhëtarëve natyrorë në Tokë, por retë e pluhurit nuk u dalluan deri në vitin 1961, kur u dalluan nga astronomi polak, Kazimierz Kordylewski.
“Retë Kordylewski janë dy nga objektet më të vështira për t’u gjetur dhe megjithëse janë afër Tokës si Hëna, janë lënë pas dore nga studiuesit në astronomi. Është intriguese të konfirmohet se planeti ynë ka pluhur pseudo-satelitë në orbitë”, thuhet në një studim.
Sipas zbulimeve të reja, çdo re zë një hapësirë rreth 65,000 nga 45,000 milje në madhësi aktuale, gati 9 herë më e madhe se Toka.
Sidoqoftë, këto retë satelitore kanë mbetur të fshehura në errësirën e hapësirës deri tani, sepse janë shumë të zbehta.
