Emri i Arsene Wenger prej kohësh është përmendur për të marrë drejtimin e një sërë klubesh, duke filluar nga Bayern Munchen, Real Madrid apo Fenerbahce, madje u përfol edhe për pozicionin e drejtorit sportiv te PSG, por asgjë nga kjo nuk ka ndodhur.
Vetë francezi ka konfirmuar se tashmë ndihet mirë dhe ka bërë pushime të mjaftueshme, prandaj do të rikthehet të drejtojë një skuadër në janar.
Negocimin konkret e ka zbuluar “France Football”, e cila ka shkruar se Wenger dhe Milan janë prej më se dy javësh në bisedime për ta vënë atë në krye të stolit të “Djallit”. Sipas burimeve të kësaj medie kjo është një marrëveshje e mbyllur edhe për faktin se pronarët e rinjtë të Milan, Paul dhe Gordon Singer kalojnë shumë kohë në Londër për takimet e bizneseve të tyre, janë tifozë të Arsenal.
Babë e bir e preferojnë shumë teknikun francez që sipas kësaj medie do të zërë vendin e Gattuso edhe pse rezultatet e fundit e kanë qetësuar situatën e tij. Wenger pritet të marrë postin e trajnerit dhe do të ketë bashkëpunim të ngushtë me drejtorin sportiv, Leonardo, me të cilin do të diskutojë largimet dhe afrimet në skuadër.
