Përmes një postimi në profilin e tij facebook, kreu i PBDKSH, Eduart Ndocaj, ka ftuar qytetarët lezhianë, të jenë të vëmendshëm në muajt e ardhshëm, pasi sipas tij, “hajdutët” e votave po enden poshtë e lart bashkisë, duke synuar përsëritjen e fenomenit të vitit të kaluar, ku forca politike që drejton Ndocaj, është penalizuar së tepërmi nga vjedhja masive e votave që i bënë përfaqësuesit e maxhorancës aktuale.
Në publikimin etij, Ndocaj apelon dhe për votbesimin e bashkëqytetarëve të tij në zgjedhjet e ardhshme vendore, pasi, ai premton se do të përfaqësojë vetëm intersat e qytetarëve lezhianë. Ja postimi i plotë:
Ata më vodhën, por ju mund ti ndëshkoni!
Të gjithë kujtojnë zgjedhjet e vitit 2017, vit në të cilin fituan ato që blenë votat.
Besoj, ju kujtohet Pjerin Ndreu, do thoni ju, Ai, “kryehajduti”?.
Po, pikërisht ai, më vodhi dhe tjetërsoi 5000 vota.
Por, kjo nuk do të thotë se do të ndodhë sërish, dhe për ta penguar, kërkoj ndihmën tuaj.
Kërkoj votën tuaj, si kandidat për bashkinë Lezhë, si qytetar, që do të përfaqësoj vetëm interesat e qytetarëve.
