Prishja e banesave në “Unazëne Re” është standarti i KÇK, 25 prilli dita e gjykimit

Standarti i ndjekur për prishjen e banesave në Unazen e Re, është “STANDARTI” i KÇK-së. Kush paguan, i lihet banesa, kush s’ka para apo s’do të paguajë banesa i prishet.!! Nga një projekt i paligjshëm nuk mund të presësh ligjshmëri. Unaza e Re ka më shumë se 2-vjet nën dhunën dhe terrorin e këtij pushteti.

Ky krim financiar që flak njerëz në rrugë duke i shkatërruar të gjithe investimin e jetës pa bonus qeraje dhe dmshpërblim është dëshmia e qartë e okupimit të shtetit nga një dorë horrash që pashpirtësinë e tyre e shprehin me këtë akt që nuk ndodh as në asnjë vend tjetër.

Horrat e këtij sekti politk, të pagëzuar me emrin “rilindje”, duke e ndjerë veten në darën shtrënguese të 25 prillit, u janë vërsulur si të tërbuar orekseve të tyre, duke grabitur dhe shpërdoruar pasurinë e qytetarëve shqiptarë, që me aq mund dhe djersë e kanë ndërtuar.

“Unaza e Re” është kuja dhe lëngata e një shoqërie, së cilës i është mpirë nervi reagues, ndaj dhe horrat marrin zemër me veprime kaq arbitrare në dëm të interesave qytetare.

Por, ky krim, nuk do kalojë në “kalendat greke”, pasi 25 prilli është dita e gjykimit për t’u ndarë njëherë e mirë nga sekti i rilindjes dhe horrat e tij. /InfoPressAlbania/