Fansat “masakrojnë” në inbox Renada Cacin: Kur do dalësh që të t’kemi qëllim për të qeshur!

Kur publiku të do, të do dhe pikë!
Nuk po e themi kot, por morëm shkas nga postimi i fundit në “instastory” i aktores së mirënjohur Renada Caci.

Një profesioniste me plot kuptimin e fjalës e cila për vite me radhë i dhuroi vetëm të qeshura publikut, sot që është në pauzë profesionale, ndjeu detyrimin moral për të dhënë shpjegime.

Larg mediave, larg skandaleve, larg pazareve të botës së show bizz-it, larg kompromiseve për famën, arriti që me origjinalitet dhe profesionalizëm të bëjë për vete zemrat e publikut, duke u cilësuar sot si një nga aktoret më të mira të humorit shqiptar.

Renada nuk pati nevojë kurrë as për sponsor, as për klikime dhe as për fallsitet mediatik. Ajo ka si armën më të fortë mbështetjen dhe duartrokitjet e publikut që e admiron.

Çdo ditë inboksi i saj është i mbushur me mesazhe dashamirëse dhe kërkesa për një rikthim sa më të shpejtë, pasi për ndjekësit e saj, televizionit i mungon drita. Në videon e postuar aktorja falenderon nga zemra mbështetësit, ju kërkon pak durim në këtë fazë pushimi, si dhe ju premton për një rikthim më të fortë se asnjëherë. Një nga mesazhet që kishte pikasur ishte: “Kur do dalësh që të t’kemi qëllim për të qeshur”.

Renada u shpreh se ishte e lumtur që i dhuron publikut ilaçin më të mirë, të qeshurën!
Andaj i urojmë aktores pushim të paqtë dhe rikthim sa më të shpejtë tek publiku që e do aq fort! (E.D)/InfoPressAlbania/