Dr. Ilir Allkja: Infektimi i stafeve mjekësore, papërgjegjshmëri e instancave shtetërore

Asnjeri nuk do që të ketë gjithmonë të drejtë në fobitë e tij, të paktën një mjek kurrë !

Me 11 mars të këtij viti, i ndikuar emocionalisht por edhe profesionalisht shpërndava një videomesazh në të cilin kërkoja më shumë kujdes instancave përgjegjëse në mbrojtjen e shëndetit të stafeve mjekësore!

Në vend të marrjes së përgjegjësive mbi personin tim vershuan fyerjet, shantazhi dhe persekutimi nga kryeministri i vendit seri tek militanti i fundit i rilindjes.

Infektimi i stafeve mjekësore për fat të keq, më dha të drejtë, fatkeqesisht, sot Shqipëria ka përqindjen më të lartë infektimit te bluzave të bardha!

Epidemitë kanë qenë e do të jenë pjesë e pandarë e jetës njerëzore, ne nuk mund t’i fshijmë ata, por thjeshtë mund ti menaxhojmë me përgjegjësi e mençuri , jo duke ngritur komitete impotentësh e sulmuar kritikët, duke i kthyer në beteja personale e madje partiake, çështjet që janë thjeshtë teknike!

Epidemitë nuk thyejnë dot sistemet shëndetësore , ata thjeshtë nxjerrin në pah dobësitë e tyre, unë kaq ju kërkoja autoriteve në mbyllje të videomesazhit !