Kryeministri Edi Rama vijon sot turin me diasporën, ndërsa ndalet në një takim me shqiptarët në Selanik të Greqisë.
Takimi do të mbahet rreth orës 11:00 në një sallë në ‘Porto Palace’.
Dy ditë më parë, kreu i qeverisë në një mesazh në rrjetet sociale tha se me fqinjët, shumë shpejt do të jemi krah për krah në Bashkimin Evropian.
Greqia ishte ndalesa e parë e kryeministrit Edi Rama në kuadër të turit për diasporën në maj të këtij viti, ku u takua me shqiptarët në Athinë, vizitë që erdhi në kulmin e acarimit të marrëdhënieve mes dy vendeve për shkak të çështjes Beleri.
