Kryeministri Edi Rama, në një reagim pas mesazhit të ambasadorit të BE-së, Gonzato, për dialogun politik, zgjodhi të ironizonte opozitën duke e akuzuar për mungesë gatishmërie për bisedime.
Me një qëndrim që ngjan më shumë me një monolog teatror se sa me një diskurs politik, Rama tha se është “vetëpërjashtim absolut” dhe se zgjedhja për “të vrarë veten politikisht” është legjitime, e cila “nuk ndalohet dot.”
Në vend që të pranojë përgjegjësinë për situatën aktuale, Rama preferon të shohë çdo kritikë si një kërcënim për dialog.
“Kur duhet të vallëzosh duhen dy vetë dhe nuk hidhet vallja nëse të dy nuk duan ta hedhin vallen. Kush është për dialog sot është shumë e thjeshtë, kush është i gatshëm të flasë. Kush nuk është për dialog është shumë e thjeshtë.
Nëse nuk ka gatishmëri nga të dyja anët për të folur s’ka dialog. Është vetëpërjashtim absolut pa asnjë bazë faktike të lidhur me qasjen dhe qëndrimet tona. Është zgjedhja e tyre legjitime, dhe zgjedhja për të vrarë veten politikisht është legjitime nuk ndalohet dot”, deklaroi Rama.
