Afirmimi i komunitetit shqiptar në jetën sociale dhe ekonomike, tashmë po avancon dhe si një realitet me qasje politike, ku individë të ndryshëm, me mjaft peshë, kanë nisur të shfaqin ambiciet e tyre për përfaqësime në nivele të ndryshme të pushtetit vendor dhe më gjerë. Një shembull admirues është rasti i Valentina Ndocaj, bashkëshortja e ish-deputetit lezhian Eduart Ndocaj, e cila potencialisht ka prezantuar kandidaturën e saj për këshilltare e bashkisë së Brescia-s, në listën e “Noi Moderati“ në zgjedhjet që do të mbahen më 14-15 maj.
Në zgjedhjet që do mbahen më 14-15 maj, znj. Ndocaj i prin listës së këshilltarëve të “Noi Moderati“, subjekt politik i spektrit te djathte,“ koalicion me Forca Italia, Lega Nord, Fratelli d’Italia, etj.
Diten e sotme, znj. Ndocaj teksa ka zyrtarizuar emrin e saj si kryesuese e listes s e keshilltareve te “Noi Moderati”, ka zhvilluar dhe nje takim pune me kandidatin per kryetar te Komunes se Brescia-s z. Fabio Rolfi, duke e fokusuar axhenden e bisedimeve ne rolin dhe bashkepunimin ne dobi te ceshtjes se integrimit te metejshem te shqiptareve.
Po kush është Valentina Ndocaj?
E lindur më 17.04.1976, Valentina Ndocaj vjen nga një familje mjaft e njohur dhe fisnike e trevave të Veriut të Shqipërisë. Vitaliteti dhe këmbëngulja për të arritur objektivat janë dy nga cilësitë më të spikatura të saj.
Studimet e larta i kreu për agrokulturë dhe zooteknikë, pë të vijuar më pas me studime të mëtejshme akademike në Universitetin Ekonomik të Tiranës, të cilin e përfundoi ën vitin 2015.
Edhe pse larg Shqipërisë, duke emigruar në Itali me të shoqin Eduartin,Valentina mënjëherë iu përshtat jetës së re, duke hequr dorë nga profesioni i saj dhe duke u akomoduar si punonjëse në sektorin e shëndetësisë, punë të cilën e kryen me shumë pasion dhe përkushtim.
Znj. Ndocaj, është një individ i spikatur profesionalisht dhe qytetarisht në komunitetin vendas, pasi me punën e saj në sferën e shëndetësisë, ka dëshmuar përkushtimin e saj profesional dhe human.
Është për t’u përmendur roli i saj si sekretare administrative e kompanisë “Ndocaj Group”, ku dha një ndihmesë të madhe në organizimin dhe ngritjen e kësaj kompanie në fushën e ndërtimeve, duke u bërë konkuruese dhe mjaft e përmendur për cilësinë e punimeve.
Vota e emigrantëve shqiptarë në Brescia për Znj. Valentina Ndocaj, përvecse krenari, është tregues i respektit dhe vlerave humane që mbart kjo familje, e cila gjithnjë ka qenë mbështetëse e shqiptarëve dhe ka dhënë një kontribut të madh në integrimin e tyre në Itali.
Theksojmë, se numri i shqiptarëve me të drejtë vote për këtë këtë komunë është 1200 persona, prandaj ftojmë shqiptarët ta vlerësojnë këtë mundësi, për të votuar Valendina Ndocaj, si shprehje e mirënjohjes për rolin dhe kontributin e kësaj familjeje për dimensionin njerëzor dhe human që ka dëshmuar në cdo moment, si dhe nje mundesi e mira qe ky komuntet te kete perfaqesuesit e tyre ne instancat e pushtetit lokal ne Italine fqinje.
Nisur nga këto cilësi, si dhe nga realiteti i krijuar, ftojmë komunitetin shqiptar në bashkinë e Brescia-s, të votojnë për kandidaturën e znj. Ndocaj si këshilltare e kësaj bashkie, pasi një premisë e tillë, siguron më shumë vëmendje dhe më shumë përshpejtim të proceseve të plota integruese për shqiptarët.
