Ish-deputeti lezhian, Eduart Nocaj, përtej personalitetit të fortë që shfaq, ka dhe një dobësi të madhe-familjen. Sa herë i jepet rasti, ai dedikon mesazhe plot ndiesi për fëmijët dhe bashkëshorten.
Së fundmi, ai ka ndarë me miqtë një suprizë të së bijës, Edës, e cila gjatë kohës që ndodhej para ca muajsh në spital, ka gjetur forcën dhe energjinë për të promovuar dhe damarin e saj krijues, përmes disa poezive plot sharm artistik. Këto poezi, kanë gjetur dashamirësinë dhe vlerësimin e shtëpisë botuese “Dantebus”, e cila i ka përzgjedhur për t’i publikuar në një antologji me krijues të rinj.
Postimi i plotë:
Pas një dite të gjatë dhe të lodhshme pune, kthehem në shtëpi dhe gjej një surprizë të paimagjinueshme për mua si prind dhe si një artist! Vajza ime, Eda, gjatë kohës që ka kaluar në spital, rreth 50 ditë të vështira për të dhe për ne, paska shkruar disa poezi, të cilat i ka dërguar për botim pranë shtypshkronjës DANTEBUS në Romë. Kjo shtypshkronjë e ka zgjedhur Eda Ndocajn, në tetë poetë për t’i publikuar asaj 12 poezi, ku 2 prej tyre po i publikoj sonte. Ndjehem prindi më i lumtur në botë dhe me fat që Eda sot me dhuroi këtë libër mua! Urime bija ime dhe Zoti të bekoftë!
