Deputeti i PD Belind Këlliçi deklaroi mbrëmjen e sotme se nëse Sali Berisha do të tërhiqej nga gara, do të kandidonte për kryetar i Partisë Demokratike. I ftuar në emisionin e gazetarit Arjan Çani, “Zonë e Lirë”, Këlliçi u shpreh më tej se Berisha nuk njihet për detajin që nuk kthehet pas duke lënë të kuptohet se nuk ka vend “për garë”.
Pjesë nga intervista:
Arian Çani: Sa shanse ka të bëhesh kryetar i ri i PD-së nëse doktori tërhiqet nga gara?
Belind Këlliçi: Kjo do të ishte interesante, ky është i vetmi skenar. Por doktori njihet për një detaj që unë kam thënë dhe këtu tek ty: Nuk bën hap pas, nuk e njeh indjetron.
Arjan Curi: Nëse doktori do të tërhiqej, por do të caktonte Këlliçin, ka shumë shanse.
Arian Çani: Jo, pa caktuar njeri po flasim, në këtë kohë që po flasim?
Arjan Curi: Është 50 me 50.
Arian Çani: Pse kush e konkurron Këlliçin brenda Partisë Demokratike?
Arjan Curi: Brenda PD-së nuk e konkurron njeri sepse konkurrimet bëhen brenda foltores, pastaj nga ana tjetër janë Gazi, Alibeaj dhe Jorida, këta nuk e konkurrojnë dot. Brenda foltores mund të ketë 2.
