Nga Xhelal Mziu, deputet i PD, qarku Dibër
Rënia e euros në kursin e këmbimit me lekun, thyen rekordin 14 vjeçar të vitit 2007.
Euro u këmbye me 120.78 lekë.
Paradoksi!
Euro bie e leku rritet, pagat ulen e çmimet rriten!
Niveli më i ulët i euros është shënuar në dhjetor 2007, kur monedha e përbashkët zbriti për një ditë në nivelin e 120.18 lekëve (shiko grafikun).
Në treg ka ofertë të lartë të euros dhe klientët e rëndësishëm të sektorit bankar, kryesisht në sektorin biznes, në javët e fundit kanë rritur këmbimet e euros.
Një faktor tjetër me shumë rëndësi është mosblerja e mëtejshme e euros nga kompanitë e sektorit të energjisë elektrike.
Në vend të blerjes së euros në tregun valutor, ato i kanë siguruar fondet për blerjen e energjisë nëpërmjet kredive të disbursuara direkt në euro nga sektori bankar.
Në nëntor, qeveria shqiptare garantoi dy kredi me vlerë 30 milionë eurosh të marra nga OSHEE nga dy banka tregtare në vend.
Por, vlera totale e huave të marra nga OSHEE është 3-4 herë më e madhe se sa më lart.
Qeveria shqiptare ka shfrytëzuar rezervat në valutë të sektorit bankar, duke shmangur blerjen e euros në tregun valutor, duke i hapur rrugë forcimit të monedhës kombëtare ndaj euros.
Një faktor tjetër është edhe emetimi i Eurobondit prej 700 milionë euro, eurobondi është një faktor potencialisht me ndikim në kursin e këmbimit valutor.
Në tremujorin e katërt është vërejtur një rritje e presioneve mbi deficitin tregtar nga shtrenjtimi i mallrave të importit, faktor që mund ta ndikojë ndjeshëm bilancin e pagesave për këtë tremujor!
Ardhja e remitancave në këtë fund viti do të bëj një zhvlerësim të mëtejshëm të Euros ndaj monedhës shqiptare!
Çfarë paradoksi!
Euro bie e leku rritet, pagat ulen e çmimet rriten!
