Një çift shqiptar që kishte kërkuar azil politik në Irlandë, pasi supozohet se kanë qenë të sulmuar për shkak të bindjeve politike në vendlindje, kanë fituar sfidën në Gjykatën e Lartë irlandeze për mbrojtje ndërkombëtar.
Sipas gjykatësit që bëri të ditur se burri, i referuar si z. Sula (jo emër i vërtet) kishte thënë në kërkesën e tij për mbrojtjen se kishte marrë me qira një bar-kafe në Shqipëri dhe ishte bashkuar me Partinë Demokratike në Shqipëri sepse “doja të merrja përsëri pronat që mu morën gjatë diktaturës komuniste”.
Sula tha se ai mbështeste në mënyrë aktive Partinë Demokratike në fushatën e zgjedhjeve të përgjithshme të viti 2017.
Sipas tij, Sula pretendoi se ishte rrëmbyer dhe kërcënuar nga kundërshtarë politikë të maskuar dhe të armatosur, të cilët e kërcënuan se duhej të linte Shqipërinë.
Sula tha se ai ndjehej shumë keq psikologjiskëshit kur Partia Socialiste fitoi zgjedhjet, njëkohësisht edhe mandatin e dytë radhazi.
Ai pohoi para trupës gjykuese se edhe disa deputetë që fituan zgjedhjet e 2017 ishin të përfshirë në krim të organizuar dhe se zgjedhjet ishin të manipuluara.
Azilkërkuesi shqiptar nuk po thoshte që të gjithë njerëzit në partinë e tij “janë më të mirët kur bëhet fjalë për këtë, por, siç themi në Shqipëri, nuk ka pyll pa derra “.
Rreth dy ditë pas zgjedhjeve, gruaja e tij e thirri atë, e tmerruar, duke thënë se dy persona të panjohur e kishin kërcënuar dhe e kishin shtyrë nga autobusi. Çifti pretendoi, si rezultat i përvojave të tyre, ata u larguan nga Shqipëria dhe shkuan në Irlandë duke kërkuar mbrojtje.
Në procedurat e çiftit shqiptar, ata sfiduan edhe gjetjet e gjykatës së Apelit për Mbrojtën Ndërkombëtare (IPAT-it), duke fituar besueshmërinë e tyre.
Gjykatësi Barrett vuri në dukje se IPAT kishte pranuar se Z. Sula ishte anëtar aktiv i Partisë Demokratike dhe se një raport mjekësor mbështeste pretendimin e tij pasi ishte goditur në syrin e djathtë.
Mediat vendase shkruajnë se situata në Shqipëri është e tensionuar dhe se mafia shqiptare vazhdon të kryejnë “krime mizore” dhe kishte pretendime të besueshme për korrupsion politik të partisë në pushtet.
Sidoqoftë, IPAT vazhdoi të konkludonte llojin e kanosjes politike që pretendohet të ketë ndodhur kundër Z. Sula dhe gruaja e tij nuk kishin “asnjë mbështetje” në informacionin e vendit të origjinës (COI). Ai hodhi poshtë pretendimin e Z. Sula për rrëmbim dhe dëshirë për t’u larguar në bazë të punës për opozitën politike gjatë zgjedhjeve.
Pasi mori në konsideratë praktikën gjyqësore mbi qasjen e saktë të vlerësimit të besueshmërisë, gjykatësi tha se konkluzionet e IPAT, duke pasur parasysh provat që ajo pranoi, ishin të “pashpresa, të palogjikshme, të paarsyeshme dhe ndoshta edhe joracionale”.
Një pasojë e nënkuptuar e analizës IPAT është se Z. Sula kishte një kërkesë më të fortë për mbrojtje nëse do të mund të tregonte se nuk ishte anëtar i Partisë Demokratike, por përkundrazi një mbështetës “gjenerik” i opozitës.
