Në takimet me banorët e Unazës së Re, drejtuesi politik i disa zonave në Tiranë i Partisë Demokratike, Belind Këlliçi, deklaroi se realiteti i kryeqytetit është krejt ndryshe nga ajo që qytetarët shohin sipas stij në ekranet e propagandës.
Kreu i FRPD-së deklaroi se modeli i propagandës duhet të marrë fund dhe duhet ndryshuar realiteti i Tiranës.
“Takimet me banorët e Unazës së Re, dhe jo vetëm, zgjedh t’i bëj kryesisht në rrugët e brendshme të lagjeve, për t’ju treguar juve që nuk ju bie rruga këtej, Tiranën që nuk njihni e nuk mund të shihni në ekranet e propagandës”, thekson fillimisht kandidati për deputet i demokratëve në Qarkun e Tiranës.
“Realiteti i Tiranës është jashtë ekranit dhe mureve të shtëpisë. Duhet parë, pranuar dhe ndryshuar”, shtoi Këlliçi, i cili më tej thotë: “Asfalti elektoral që hidhet natën nuk është punë. Puna dokumentohet, shtrimi tenderohet me procedurë të ligjshme, vendoset një tabelë informuese për banorët, ku tregohet sa nga paratë e tyre do shpenzohen për punë.
Asgjë nga këto nuk bëhet, sepse asfalti elektoral është krim elektoral dhe shpërdorim i parave tuaja. Është hi syve.
Ky model do të marrë fund! Ata që do i japin fund jeni ju. Me votë më 25 prill”.
