Ish-deputeti i Lezhës, Eduart Ndocaj, i cili prej shumë vitesh është një zë i fuqishëm i jetës publike dhe asaj politike, me denoncime kundër aspekteve keqqeverisëse dhe fenomeneve korruptive, ka dalë sot me një apel drejtuar qytetarëve shqiptarë, duke i ftuar të marrin pjesë masivisht në zgjedhjet e 25 prillit.
Ndocaj, në qëndrimin e tij, të postuar në rrjetet sociale, ka nënizuar domosdoshmërinë e masivitetit në zgjedhje, pasi kështu do ndëshkohej qeverisja e sektit të rilindjes, të cilën ai e konsideroi më antishqiptaren dhe më antisocialen.
Në cilësinë e sekretarit të përgjithshëm të Alencës Demokristiane, Ndocaj i ka ftuar zgjedhësit shqiptar të votojnë subjektin e tij politik, pasi ADK-ja është një forcë që garanton ekuilibra në spektrin politik shqiptar si dhe shërben në ripërcaktimin e qartë të kursit diplomatik, duke detyruar qeveritë të riorientohen gjeopolitikisht me aspiratnë e shqiptarëve që është integrimi europian.
Deklarata e plote:
Miqtë e mi kudo që jeni!
Ky 25 prill i këtij viti, vjen me një ngarkesë të vecantë për shqiptarët, pasi të ndodhur në udhëkryqin e braktisjes së madhe 8 vjecare të rilindjes gjenden në pashpresshmërinë e alternativës qeverisëse, pasi forcat politike që garojnë për të drejtuar vendin, nuk ofrojnë programe serioze për daljen e vendit nga kriza, si dhe nuk japin shpresë për një vizion të qëndrueshëm dhe mirëqeverisje.
Të ndodhur në këtë situatë, qytetari shqiptar ndjehet i tulatur dhe si i tillë, gjendet në dilemën e madhe të mospjesëmarjes në votime. Ky akt do të përbënte shkallmimin total të demokracisë, pasi sekti qeverisës i rilindjes, me në krye Edi Ramën, këtë gjë dëshiron, sepse mospjesëmarrja në votime, praktikisht është mundësi e artë e klikës në pushtet për të vijuar me mandatin e tretë.
Nisur nga kjo premisë, do apeloja cdo shqiptar, të japë kontributin e tij, përmes pjesëmarrjes në votime me dtë 25 prill, dhe të marrë përgjegjësi direkte në afirmimin e një sistemi politik që do të siguronte stabilitet dhe qeverisje të qëndrueshme. Kjo do të arrihej, duke masivizuar votën kundër qeverisjes më antishqiptare dhe më antisociale që ka njohur vendi, si dhe të orientojnë votën e tyre, duke rritur shancet e disa partive të tjera të një spektri politik që nuk i nënshtrohen liderëve të partive të mëdha, me qëllim zhvendosjen e vektorit elektoral nga sistem bipolar në një sistem me pjesëmarrjen e shumë partive të vogla në Kuvendin e Shqipërisë.
Partia Aleanca Demokristiane, si një forcë politike me integritet, garanton qytetarët shqiptarë, se do jemi një zë i fuqishëm i mbrojtjes së interesave kombëtare, të cilat gjatë qeverisjes Rama u nëpërkmbën nga sivllezërit e tij lokal, falë amatorizmit dhe diletantizmit diplomatik të kryeministrit. Do të jemi një pengesë e fuqishme e kujtdo që shpërdoron paratë dhe taksat e shqiptarëve, si dhe do të denoncojmë me forcë cdo kanal korruptiv dhe abuziv që bëhet nga zyrtarë të çdo niveli qofshin.
Partia Aleanca Demokristiane, ju fton të votoni këtë subjekt politik, si siglën që përmes potencialeve të saj konkuruese, jep garancitë e duhuara që Shqipëria të ri-orientohet në gjeopolitikën e saj, drejt vlerave euro-atlantike, si busulla natyrale e saj, pikërisht aty, ku ne kemi vendin në këtë failje të madhe vlerash.
Votoni Alenacën Demokrsitiane!
Përzemërsisht,
Eduart Ndocaj
Sekretar i Përgjithshëm i ADK
