Shpetim AXHAMI, kryetar i PLL
Në fletën e votimit duhet paraqitur çdo subjekt politik në çdo qark!
Po të jetë vullnet i mirë fleta e votimit bëhet e kuptueshme dhe më demokratike në thelb.
Duke pasur parasysh numrin e subjekteve politike të regjistruara në KQZ dhe kualicionet e pritshme, fare mirë në fletën e votimit për çdo qark mund të shkruhet çdo subjekt veças ose brenda kualicionit edhe nëse ky subjekt nuk ka kandidat për këtë qark tek lista shumemrore e kualicionit.
Një subjekt brenda kualicionit në këtë rast, me të drejtë siç edhe i takon, merr votat e veta për këtë qark dhe votuesi zgjedh një prej kandidatëve të kualicionit.
Votuesit i jepen dy të drejta në mënyrë demokratike, zgjedh në çdo qark edhe subjektin (partinë që do) edhe kandidatin e parapëlqyer.
Nëse nje subjekt politik në kualicion, në një qark të caktuar tek lista shumë emërore nuk ka kandidat të propozuar prej tij dhe vetë subjekti mungon tek fleta e votimit, votuesi, për këtë qark, privohet nga e drejta e votimit të paktën për subjektin që do.
Prandaj subjekti që merr pjesë në zgjedhje me patjeter duhet të paraqitet në fletën e votimit në çdo qark që zgjedhjet të jenë sa më demokratike.
SOT VOTUESI DUHET TË ZGJEDH SUBJEKTIN DHE DEPUTETIN.
