Dega e PD Berat denoncon përpjekjet e Ramës për manipulimin dhe vjedhjet e zgjedhjeve të 25 prillit.
Ato nuk janë orientuar vetëm në manipulimin e listave të zgjedhësve përmes zhvendosjes së votuesve në qëndra votimi të ndryshme,brenda dhe jashtë rrethit të Beratit, në mundësinë për të votuar më shumë sesa një herë të personave të ndryshëm.
Presioni për vendin e punes që po u bëhet të gjithe punonjësve te administratës në çdo drejtori rajonale,në shkolla dhe kopshte,në çdo drejtori nën administrimin e bashkisë Berat është një tjetër provë.
Shpërndarja e Lejeve të Legalizimit nga deputet dhe drejtues lokalë të Partisë Socialiste,është dëshmi e përpjekjeve dështake të qeverisë në ikje të rilindjes.
Presionet ndaj punonjësve dhe qytetarëve për të votuar PS,mbledhja e kartave të identitetit, tendencat për blerje votash si dhe çdo makinacion tjetër i mundshëm për t’u përdorur nuk do të mund ta shpëtojnë dot Ramën dhe rilindjen e tij të dështuar nga humbja e madhe në zgjedhjet e 25 Prillit.
Dega e Partisë Demokratike Berat është duke dokumentuar çdo ankesë, prova apo fakte që inplikojnë jo vetëm punonjësit e administratës publike ,por këdo që do të përpiqet të intimidojë zgjedhësit beratas.
Ndaj ne iu bëjmë thirrje që të hiqni dorë nga prekja e votës sepse çdo akt dhe përpjekje për ndryshimin e vullnetit të qytetarëve përbën vepër penale.
Dita e gjykimit po afron!
